Mætt voru nemendur 6. bekkjar Blönduskóla í heimsókn á skjalasafnið, ásamt
tveimur kennurum þeim Berglindi M. Björnsdóttur og Sigríði E.
Jóhannesdóttur. Voru þetta fróðleiksfúsir og prúðir krakkar sem spurðu út í
ýmislegt og gaman var að segja þeim frá verkefnum og aðföngum þeim sem
safnið geymir. Er þetta nauðsynlegur liður í því að kynna fyrir ungu
kynslóðinni hvað verður um gömlu hlutina og að ekki megi bara henda öllu sem
úrelt er. Þannig glatast upplýsingarnar um liðinn tíma. Eru þessar
heimsóknir frá skólanum að verða árlegur viðburður og vonandi heldst það
þannig áfram.
Takk fyrir komuna krakkar það er gaman að fá ykkur í heimsókn og náttúrulega
kennarana líka.
Til baka